Die hoofdoel op daardie stadium was om hul eie mielies te verwerk wat deur hul boerdery-aktiwiteite geproduseer was. Die oorspronklike meule was baie klein met ‘n kapasiteit van slegs 1,5 ton per uur.
Hulle het dadelik begin met ‘n proses van opgradering en uitbreiding van die meule en in 1999 het die kapasiteit van die meule 7,5 ton per uur bereik. Verdere opgradering is in 2004 onderneem en die bestaande struktuur is uitgebrei na ‘n 5-verdieping staalstruktuur sowel as die opgradering van toerusting in die meule.
Die opgradering en uitbreiding van die meule is ‘n deurlopende proses en gedurende 2018 het die kapasiteit 34,5 ton per uur bereik. Dat Shamrock Milling Systems, onder leiding van Brian en sy seun Allen Legg, het oor die jare Tau Meule se opgraderings gehandhaaf tot waar ons vandag staan op 40 ton per uur.
Hominy chop is ‘n neweproduk van die maalproses en in 2003 is ‘n veevoeraanleg opgerig om daarvan gebruik te maak. Hierdie fasiliteit is ook voortdurend opgegradeer en uitgebrei en kapasiteit is tans verhoog van 1200 ton per maand tot 13 000 ton per maand.
Tau Meule is ‘n private maatskappy wat deur die Viljoen-familie van Leeudoringstad besit word. Die meule bestaan uit ‘n moderne aanleg wat mieliemeel van die hoogste gehalte produseer en ‘n kapasiteit van 40 ton per uur het.
Die voeraanleg produseer ‘n wye reeks voer en gebruik die hominy chop wat geproduseer word as ‘n neweproduk van die maalproses. Die aanleg het ’n gerekenariseerde beheerstelsel wat verseker dat die voer aan die hoogste gehaltestandaarde voldoen.
In die middel van 2018 het konstruksie aan ‘n moderne hondekosfasiliteit begin en produksie het in Januarie 2020 begin. Die fasiliteit het ‘n produksievermoë van 700 kg per uur.
Tau Meule is ook trots om aan te kondig dat na ‘n in-diepte studie ‘n sojaboonverwerkingsaanleg by die bestaande voeraanleg gevoeg sal word. Ons mieliemeel, voer en hondekos word deur ons kleinhandeltakke versprei wat goed opgeleide personeel het om alle klante-navrae te hanteer. Verskillende areas het ook verteenwoordigers sowel as tegniese adviseurs beskikbaar om ons kliënte by te staan.
Die sojaboonaanleg sal Tau Voere in staat stel om sy eie volvet sojakoek sowel as sojameel te produseer. Daar word ook beplan dat ‘n deel van die aanleg sojameel deur ‘n bykomende proses sal sit om bypass-sojameel te produseer. Hierdie produk sal melkproduksie en weefselsintese van beeste en skape aansienlik verbeter.
Konstruksie van komponente van die aanleg is reeds aan die gang en die aanleg sal na verwagting teen die tweede kwartaal van 2022 in produksie wees.
Tau Meule het ‘n netwerk van meer as 34 kleinhandeltakke wat hoofsaaklik in Noordwes, Vrystaat en Noord-Kaap geleë is.
As ‘n bykomende bemarkingskanaal verskaf ons mieliemeel aan groothandelaars regoor Suid-Afrika.
Tau Meule het sy eie vloot vragmotors wat die verspreiding van ons produkte hanteer. Dit bestaan uit superskakels met ‘n laaivermoë van 34 ton om die verspreiding van ons fabriek te doen en kleiner vragmotors om die verspreiding by die takke te doen.
Ons werknemers bestaan uit sowat 600 goed opgeleide en gemotiveerde mense wat verseker dat alle daaglikse aktiwiteite glad verloop.